pdf Acta Xurado Certame Letras Galegas 2021 (823 KB)

  pdf Bases específicas reguladoras da convocatoria Fomento do Emprego 2021 (1.07 MB)

Prazo de solicitude: do 7 de maio ao 13 de maio.

pdf SOLICITUDE_ANEXO II (411 KB)

pdf DECRETO 2021_ 0122 LISTA DE ADMITIDOS, TRIBUNAL E CONVOCATORIA EXAME (886 KB)

ACTA DE SELECCION DE PERSOAL PROGRAMA FOMENTO DO EMPREGO 2021

DECRETO 2021-0137 Aprobación proposta tribunal de selección e nomeamento.pdf

O Concello de As Nogais e a Asociación Cultural Abrente asinan un convenio de colaboración total.

Na casa consistorial do Concello de As Nogais tivo lugar esta mesma mañá a sinatura dun convenio de colaboración entre a Asociación Cultural Abrente e o Concello de As Nogais co fin de reforzar a colaboración mantida nestes últimos anos.

Jesús Núñez, Alcalde de As Nogais e Fe Álvarez Sánchez, presidenta de Abrente, mostráronse moi satisfeitos coa sinatura do novo acordo de colaboración que abrangue a todas actividades culturais que se desenvolvan no territorio.

Dado que entre as competencias municipais se atopa a promoción da cultura e equipamentos culturais e que a Asociación Abrente ten, entre os seus fins, o desenvolvemento de actividades culturais, considerouse necesario establecer un marco regulador para potenciar as sinerxías entre ambas entidades e establecer unha serie de medidas mínimas e actuacións de colaboración. O obxecto do convenio é establecer as bases reguladoras que permitirán levar a cabo actividades coma a creación do Festival Internacional da Vía Künig, a realización de actividades culturais diversas, a promoción do Concello de As Nogais e da variante do camiño francés denominada Vía Künig, camiño de Santiago por Lugo, a potenciación da colaboración público-privada e o apoio do rural como forma de vida.

O convenio recolle tamén o compromiso do Concello de seguir autorizando o uso das dependencias municipais utilizadas por Abrente nos últimos anos para as súas actividades de formación, actuacións, ensaios, etc.

En As Nogais a 30 de marzo de 2021.

PROXECTO DE DINAMIZACION TURISTICA DO XEODESTINO

Deseño e implantación do primeiro produto turístico de todo o territorio:

Cociña de Ancares-Terras de Burón

Reunión de traballo: xoves 26 de novembro

16.30 A Fonsagrada, salón de actos municipal de Os Chaos.

19.30 Becerreá, Telecentro, rúa de Valgamarín

Dirixida a: Empresas e profesionais que teñen que ver co sector turístico (restaurantes, aloxamentos, gandarías, produtores agroalimentarios, apicultores, artesáns, taxis, guías, museos, etc.)

Temas a tratar:

1. Xeodestino Ancares-Terras de Burón. Territorio. Marca. Proxecto.

2. Cociña de Ancares-Terras de Burón. Proxecto. Obxectivos. Quen pode / debe participar. Plan de traballo

3. Dubidas e preguntas

BANDO

  pdf BANDO MATANZAS COVID 19 (520 KB) .pdf 

JESUS MANUEL NÚÑEZ DÍAZ, Alcalde-Presidente do Concello de AS NOGAIS (Lugo),

FAGO SABER: Que dende as autoridades sanitarias se nos trasladan datos da situación actual de transmisión do COVID-19. Se ben no Concello de As Nogais a día de hoxe non hai ningún caso diagnosticado, está demostrado que a maior fonte de contaxios son as reunións familiares e veciñais. Tendo en conta que a partires destas datas comeza o PERÍODO DE MATANZAS e que tradicionalmente se realizan coa axuda de familiares e veciños, advírtese de que poden ser un foco de transmisión importante se non se respectan estritamente as medidas adoptadas polas autoridades sanitarias.

Compre recordar que segundo DECRETO 182/2020, do 13 de novembro, do presidente da Xunta de Galicia, polo que se adoptan medidas no territorio da Comunidade Autónoma de Galicia para facer fronte á crise sanitaria para conter a propagación de infeccións causadas polo SARS-CoV-2, as reunións de persoas NON CONVIVINTES están limitadas a 6 PERSOAS.

Dende as autoridades sanitarias nos trasladan tamén que se deu orde ás forzas e corpos de seguridade do estado para que velen polo cumprimento das medidas adoptadas, advertindo das posibles sancións que conlevaría o seu incumprimento. Segundo a recentemente modificada Lei 8/2020 de Saúde de Galicia, as sancións poden ser de 601,01 €  ata 601.012,11 €.

Por todo o anterior, fago un chamamento a toda a poboación do Concello de As Nogais para que actúen con responsabilidade á hora de organizar as matanzas seguindo estas recomendacións:

• Utilizar mascarillas en todo momento durante a realización das labores propias da matanza.
• Ventilar adecuadamente os lugares de traballo.
• Lavar e desinfectar as mans frecuentemente con auga e xabón ou xel hidroalcohólico.
• Evitar as comidas/ceas e sobremesas posteriores as labores da matanza cas persoas non convivintes que acudan á mesma.

Dado en As Nogais a 16 de novembro de 2020.

Hoxe, 15 de outubro, DÍA DA MULLER RURAL, Radio Nogais emitirá ás 20:00 h. un especial radiofónico cunha Homenaxe á muller rural creada pola ASOCIACIÓN CULTURAL ABRENTE DE AS NOGAIS. Poderase escoitar a través de internet no seguinte enlace: 

https://nogais107fm.radiostream123.com/