Xoves 28 Marzo 2024
Sábado, 24 Decembro 2016 12:35

Peña de Taras

  • Tipo de ruta: Senderismo, Ecuestre.
  • Municipio: As Nogais.
  • Parroquia: Torés.
  • Distancia: 11 Km.
  • Duración: 5 h. ida y vuelta.
  • Dificultad: media.

Acceso ó núcleo de poboación:
Desviarse en As Nogais á altura do km. 447 da N-VI en dirección a Lugo. En As Nogais, toma-lo desvío que vai cara Nullán e pasando o desvío de Viladicente, tomar outro que indica Torés.

Acceso dende o núcleo de poboación:
Hai que seguir a estrada principal do pobo e á altura da torre e da igrexa, tomar un desvío que pasa por tras da ermita e pola esquerda leva hacia Quintela. Subir deica Riomao.

Descrición da ruta:
Esta ruta ten entre os seus moitos alicentes o de contar con grandes vistas panorámicas dos vales de As Nogais. Atravesa bosques de castiñeiros centenarias e piñeirais de repoboación na parte máis elevada do percorrido. Esixe certo esforzo deica chegar ó pinar de Riomao, aínda que sobra dicir que é preferible camiñar sen presas para contemplar ben tódolos detalles.

O camiño está ben sinalado, polo que non se deben ter atrancos.

Pasa por aldeas onde se poden mercar embutidos e queixos como lembranza do camiño e obter información, se cumprira, sobre aquelo que se desexa coñecer.

O percorrido completo chega ata a parrqouia de Torés, voltando a desandar o andado ou ben optar por manterse alí, xa que ben merece unha estancia.

Tamén se pode acurtar o percorrido se se arrodea o bosque de piñeirais de Riomao e se baixa por Viladicente deica As Nogais.

Infraestructura e mobiliario:
Ó seren As Nogais e Torés os pobos máis grandes, pódese atopar aloxamento, manutención e servicios complementarios en ámbolos dous lugares.

Comentarios e observacións:
Existen na ruta bós exemplares de castiñeiros, piñeirais de repoboación e carballos. Tamén se poden observar nogueiras, vidueiras, figueiras, mazairas, pereiras e endrinas.

A flora máis representantiva está composta por ortigas, fentos, trébol, xeranios silvestres, silveiras e algunhas variedades de cogumelos.

Dependendo da época do ano é posible atopar bós exemplares de xabarín, corzo, esquíos, perdices e algunha que outra ave rapaz.

É unha ruta que esixe esforzo no seu primeiro tramo, deica Riomao. Unha vez alí o terreo é chan ou costa abaixo.

O bosque de piñeirais paga a pena un detido paseo.

A ruta pódese adaptar coma ruta ecuestre.

Visto 3341 veces Modificado por última vez en Sábado, 11 Febreiro 2017 19:00
Máis nesta categoría: « Noceda Torre de Doncos »